Андрэй Караленка
ХОЙНІКІ: мемарыяльны прабег “ЗВАНЫ ЧАРНОБЫЛЯ”
Мемарыяльныя прабегі па ўшанаванню памяці ахвяр аварыі на Чарнобыльскай АЭС “ЗВАНЫ ЧАРНОБЫЛЯ” ужо ў пяты раз праводзяцца па чарзе ў раённых цэнтрах Гомельскай вобласці (раней – у Гомелі), найбольш пацярпелых ад аварыі. Сёлета -- у Хойніках. Адміністрацыйны цэнтр – абаяльны міні-гарадок! Мне асабіста спадабаўся міні-парк і спорткомплекс дзіцячай спартыўнай школы са стадыёнам. І сама спортшкола, і адносіны супрацоўнікаў да нас, і чысціня, і душ – прыемная атмасфера!
Спачатку спаборнічалі дзеці ДАшкольнага ўзросту. Надвор’е спрыяла: сонечна, вецер слабы.
А на стадыёне свой рэжым – трэніроўка…
25 гадоў Трагедыі – не юбілей, толькі адрэзак часу, які савецкія дэмографы лічылі “часам змены пакаленняў”. Разумеецца, не ў фізічным сэнсе, а ў сацыяльна-дэмаграфічным. І ўсё ж – Дата.
На мітынг-рэквіем прыехалі і выступілі з прамовамі афіцыйныя прадстаўнікі былых саюзных рэспублік (сёння -- краін СНГ) -- Расіі, Украіны, Казахстана і Малдовы. Яны паведамілі пра дапамогу міжнароднай супольнасці для будаўніцтва другога “саркафага”, выказалі спачуванне беларусам, ухвалілі мужнасць людзей, якія загінулі, ратуючы нас, здзівіліся прыгажосці і ўтульнасці гарадка. І пажадалі здароўя жыхарам раёна. Прадстаўнік Украіны завяршыў выступленне на беларускай мове…
З мясцовых -- ніхто аніводнага слова. І гэта -- таксама Чарнобыль, толькі крыху іншы.
Арганізавана прыехалі фізкультурнікі з усіх раёнаў Гомелькай вобласці.
І з некалькіх абласных цэнтраў, з Барысава і Жодзіна прыехалі самастойна ад горада ці прадпрыемства, каб ушанаваць памяць загінуўшых ліквідатараў аварыі -- пяць фізкультурнікаў ад Беларускага аўтамабільнага завода.
(У першы дзень аварыі загінуў 31 пажарны-ліквідатар, за 25 гадоў – болей 400 тысяч чалавек. Звесткі з афіцыйнай прамовы.)
Гомельскія байкеры “Ночные волки”.
Яны падарылі райвыканкаму матацыкл “Минск” для стварэння байкерскай секцыі пры ДЮСШ: у дзяцей будзе яшчэ адзін занятак па інтарэсах і здольнасцях, -- каб не згубіць іх, а развіць, каб не трапіць у кіпцюры зялёнага ці белага “драпежніка”.
Пасля сканчэння мітынгу байкеры павезлі вянкі да помніка ахвярам аварыі на ЧАЭС.
ПЕРАД СТАРТАМ
№ 381 – Іван Мажэяў з Рэчыцы
Малодшыя дзеці ўжо вяртаюцца на фініш.
А гэта – старэйшыя дзеці: яны бягуць 2 км.
Хлопчыкі крыху адсталі ад сваіх…
На скрыжаванні – група балельшчыкаў
Дзіва дзіўнае! І чаму ім не сядзіцца дома?..
Стаміліся дзяўчынкі, бо надта шпарка рванулі са старта. Таму дзед Арнольд даганяе іх: ён – вопытны марафонец, бег роўна, спакойна. І на фінішы будзе раней шустрых дзяўчынак. Навука...
Да фініша – усяго 200 метраў…
На ўручэнні ўзнагарод не прысутнічаў. Шкада...
Последние комментарии
6 лет 12 недель назад
6 лет 26 недель назад
6 лет 50 недель назад
8 лет 22 недели назад
9 лет 26 недель назад
10 лет 12 недель назад
10 лет 20 недель назад
10 лет 30 недель назад
10 лет 36 недель назад
10 лет 41 неделя назад