Retroпогляд

Андрэй Караленка
Міла Караленка (фота)

ЖОДЗІНА-2013: крос “БЕЛАЗ-65”

2 лістапада ў Жодзіне праводзілася адкрытае першынство па лёгкаатлетычнаму кросу сярод навучэнцаў спартыўнай дзіцяча-юнацкай школы алімпійскага рэзерва (СДЮШАР) Беларускага аўтазавода па праграме мерапрыемстваў, прысвечаных 65-годдзю прадпрыемства.

Для ўдзелу ў спаборніцтвах настаўнікі прывезлі дзяцей не толькі з бліжайшых да Жодзіна гарадоў -- Барысава, Мінска, Смалявічаў і Чэрвеня, а нават з далёкага Жлобіна.

Што тычыцца непасрэдна Жодзіна, то разам з навучэнцамі белазаўскай спартыўнай школы ўдзельнічалі і вучні дзвух агульнаадукацыйных сярэдніх школ -- № 4 і № 6.

Юныя фізкультурнікі спаборнічалі на дыстанцыях 500 і 800 метраў (у адпаведнасці з узроставымі групамі), адмераных на лыжна-ролернай трасе ў парку побач з аўтазаводам.

Дзеці -- "спартыўныя", таму стараліся паказаць, на што яны здольныя і чаму навучыліся: спаборніцтва было цікавым і для саміх дзяцей, і для гледачоў. А для іх настаўнікаў -- хвалюючым з адценнем трывогі: дзеці ўсё ж.

Прызы пераможцам уручалі старшыня прафкама Беларускага аўтазавода Валерый Трускоўскі і бронзавы прызёр Алімпійскіх гульняў, чемпіёнка свету па цяжкай атлетыцы Анастасія Новікава.

Пасля юных спартсменаў на трасу вышлі дарослыя фізкультурнікі-марафонцы, старэйшаму з якіх, Леаніду Каладко, 79 гадоў: яны беглі дыстанцыю 5 км -- традыцыйны мемарыяльны прабег, прысвечаны жодзінскаму марафонцу Анатолію КАВАЛЁВУ, пайшоўшаму ад нас заўчасна.
Гэтае спаборніцтва таксама было цікавым, у чым можна ўпэўніцца, паглядзеўшы поўны фотарэпартаж.

Фота на памяць: жодзінскія марафонцы, арганізатары спаборніцтваў і суддзі.
Фота Дзмітрыя Булая.

Поўны фотарэпартаж будзе на старонцы “Марафон” праз дзень-два.