Андрэй Караленка
32-гі АСІПОВІЦКІ МАРАФОН
.
За дванаццаць гадоў, як я ўдзельнічаю ў Асіповіцкіх марафонах, надвор’е было розным – ад сонечнага неба да хмарнага з мокрым снегам і дажджом: у пачатку вясны надвор’е стабільным не бывае.
Нестабільным яно было і ў пачатку сёлетняй вясны – то сонечна, то хмарна-холадна з моцным ветрам. Але без снега-дажджу, што надта непрыемна для поля. І вось -- зноў сонечна!..
Раніцаю 5 красавіка -- іней і замёрзшыя лужы, слабы, але халодны(!) вецер, днём – сонечна і амаль цёпла. Амаль – бо як для каго: вецер хоць і слабы, але халодны. Таму спартыўная экіпіроўка ў марафонцаў была рознаю.
Яркае сонца сказалася на якасці фатаграфій. Але ў такім фотарэпартажы, як я мяркую, важнасць фатаграфій выключна інфармацыйная і, спадзяюся, ніхто не будзе прыдзірацца да якасці.
Я меркаваў “злавіць” на трасе ўсіх, хто бег 15 кіламетраў. Але ж так не бывае: я ж таксама бягу ды дрэнна бачу. Ды прыходзілася перабягаць з аднаго боку дарогі на другі, а потым аказвалася, што насустрач мне бягуць па абодвух баках…
Сёння – толькі анонс-пралог да фотарэпартажу: хто прыехаў, пратакол, дзеці (на пастраенні) і некалькі фатаграфій з бегавой трасы. Астатнія здымкі – праз сем дзён.
Раман Асаевіч: сёння ён будзе бегчы 498-ы марафон…
.
Мне заўсёды прыемна сустракаць хлопцаў з Расіі. Сярод іх – наш зямляк Генадзій Васюкевіч (№ 477).
Мяркую, дзяўчынкам будзе прыемна бачыць сябе сёння, -- побач са знакамітымі марафонцамі! – а яшчэ прыемней – праз 20-30 гадоў…
Гэтыя хлопцы, № 340 і № 897, былі ПЕРШЫМІ за 5 кіламетраў да фініша.
Васіль Лебецкі (№ 376) пасля фініша зробіць некалькі фотаздымкаў марафонцаў на фінішы і пераможцаў на 15-км дыстанцыі. Я пакажу іх у поўным фотарэпартажы.
Яна пакуль што першая. Да фініша – 6 км.
Самы малады на 15-кіламетровай дыстанцыі – “на фоне” марафонкі Ірыны Леўчук. ”Суседства” надта добрае! Хлопчык, калі хочаш мець арыгінальную ЭЛЕКТРОННУЮ фатаграфію, напішы мне па зваротнаму адрасу -- вышлю.
Тут – паварот і пікет.
Я дабег да паварота. Дарога к дому заўсёды карацей і лячэй – дабягу. Чаму такая незвычайная нота? Справа ў тым, што сёння я першы раз пасля Маладзечненскага марафона надзеў красоўкі – і адразу на 15 км. Праўда, часта хадзіў па 5-15 км…
Поўны рэпартаж будзе на старонцы "Марафон".
Зваротны адрас: E-mail: andrei@retroview.by.
Последние комментарии
6 лет 11 недель назад
6 лет 26 недель назад
6 лет 50 недель назад
8 лет 22 недели назад
9 лет 25 недель назад
10 лет 12 недель назад
10 лет 20 недель назад
10 лет 30 недель назад
10 лет 35 недель назад
10 лет 40 недель назад