Retroпогляд

Трэці экалагічны марафон у “Сілічах” можна лічыць нават падзеяй, хаця і невялікай, у аматарскім лёгкаатлетычным руху ў Беларусі: на старце – 152 фізкультурнікі! На марафоне – 39, хаця траса, раённая дарога Жодзіна-Лагойск, цяжкая для бегу. Былі і дзеці -- з бацькамі і настаўнікам, праўда, мала: лета ўсё ж – раз’ехаліся па лагерах, да мора, да сваякоў, у падарожжы.

Галоўны спонсар гэтага прабегу – камунікацыйныя фірмы “МТС” і “Velcom” і агульная -- “Белтэ-леком”. Прызы далі ўсім, хто дабег да фініша. Фірма “Velcom” дадаткова раздала(!) 50 маек са сваім лагатыпам (каму дасталіся, а каму -- не) у якасці рэкламы – для кіна- і фотарэпартажаў: усе, каму дасталася майка, сталі ў першыя рады на старце. Пасля кіна- і фотасесіі фізкультурнікі знялі майкі: пры тэмпературы плюс 25 градусаў немагчыма бегчы нават “дзесятку”, ды стартавы нумар не бачны. А вот дадатковы прыз – прыемна! Спадзяюся, чытачы разумеюць далікатны гумар: нават у аўтара, самага слабейшага на любой трасе, сувенірных маек дастаткова.

Шкада, што і на гэты раз не магу паказаць трасу: бегчы “дзесятку” з фотаапаратам – цяжкавата. А траса і фізкультурнікі на ёй – прыгожае відовішча!..
Беглася лёгка і прыемна: сонца яшчэ не пякло, вецер прахладны, умеранны. А вось марафонцам -- цяжка: калі яны пайшлі на другі круг, сонца ўжо паднялося і вецер пацяплеў. Усё ж большасць з іх фінішыравалі ў добрым настроі, што бачна на фатаграфіях.

Узнагароджаных фізкультурнікаў было многа – пераможцы, прызёры, самыя малыя і самыя старыя. А ўзнагароды ўручалі высокія фізкультурна-спартыўныя кіраўнікі – першы намеснік міністра па фізкультуры, спорту і турызму Рэспублікі Беларусь Уладзімір Аляшкевіч, дырэктар спорт-комплекса “Сілічы” Валерый Семчанка і старшыня аргкамітэта Алег Несцяркоў. Атмасфера сяброўская, здараліся сітуацыі і гумарныя, прыблізна кур’ёзныя – усё ўспрыймалася адэкватна, з паразуменнем. Плюс – “фота на памяць”. Безумоўна, стварэнню такой прыемнай атмасферы паспрыялі перш паводзіны саміх кіраўнікоў – далікатныя, дабразычлівыя, з гумарам і спартыўным азартам. Выказваць якія “кампліменты” вядучаму марафона Аляксандару Кізілу было б некарэктна: ён у гэтай ролі заўсёды на вяршыні майстэрства.

Пакуль узнагароджвалі фізкультурнікаў, якія беглі 2 і 10 кіламетраў, пачалі фінішыраваць марафонцы – іх сустракалі апладысментамі: пад сонцам пераадолець сілічскі марафон – мужнасць і перамога. Сярод марафонцаў сямёра ва ўзросце 65-75 гадоў, старэйшы – Леанід Каладко.
Пасля марафона – сауна з басейнам, разумеецца, за кошт спонсараў.

Як і ў мінулым годзе, спонсары прапанавалі латарэю – па рэгістрацыйных картах. Галоўны прыз – тэлевізар. Адбыўся выпадак, пра які ў народзе кажуць “Ёсць Бог на свеце!”: тэлевізар дастаўся мінчаніну, у якога ў гэты дзень – дзень нараджэння... Астатнія 14 прызоў былі сціпла-прыемнымі. Але і тут не абыйшлося без сюрпрызаў: чатыры(!) дасталіся жодзінцам.

Добра беглася па цяжкай трасе, прыемна было вяртацца дамоў з прызамі, -- у некаторых ажно тры! -- пад навальнічным дажджом у камфортным міні-бусе.

Успаміны пра “Сілічы” – най-прыемныя! Калі хто там не быў і не бег, дачытайце і паглядзіце фотарэпартаж да канца: фатаграфіі не хлусяць, яны не пастановачныя.
РАЗМІНКА
Фота на памяць: прыемна і старэйшаму фізкультурніку і вышэйшаму кіраўніку спорта

А на Ніну нельга не звярнуць увагі...

Настаўнік Барыс Марцем’янаў (у цэнтры) з вучнем і сябрам.


ПРАТАКОЛ









Першы намеснік міністра павіншаваў фізкультурнікаў з цікавым марафонам і пажадаў ім поспехаў у спаборніцтве і добрага самаадчування на фінішы

СТАРТ МАРАФОНЦАЎ

Інструктаж ад суддзі

Марафонцы гатовыя да старта

Старт

РАЗДАЧА “СЛАНОЎ”(маек)


ІНСТРУКТАЖ і СТАРТ на “дзесятку”

Фота на памяць і ДЗЯКУЙ спонсарам






ФІНІШ МАРАФОНЦАЎ
“Бач, як лёгка прабегла...”

І атрымала падарунак

“Маленькая Марафонка” пайшла на другі круг...

Першы!


Першая!

“Як самаадчуванне?”



“Паспяшайся крыху: ужо трэба ўручаць узнагароды за дзесятку”

УЗНАГАРОДЖАННЕ
Самыя старэйшыя і самыя маладзейшыя




А тым часам фінішыруюць чарговыя марафонцы...

Сустрэла бацьку...

... і атрымала ўзнагароду.





Узнагароджаныя юніёры


Чэмпіён і чэмпіёнка


“Арнольд, вы ж не забывайце пра “Вікторыю” -- прыязджайце...”



Фінішыруюць марафонцы...


Асобныя прызы – старэйшым фізкультурнікам



На фінішы яшчэ адзін марафонец...

Пасля фінішу абмяркоўваецца важнае пытанне...

Жлобінцы ад’язджаюць. А Ніна запрашае іх на прабег “Вікторыі”...


Апошнімі прыйшлі да фініша старэйшыя марафонцы...



Эдуард Герасіменка і памочнік суддзі (сёння) Святлана Новікава

Фота на памяць

Пайшоў дождж – узнагароджане пад дахам

“Не падганяйце мяне – не размокнеце...”



ЛАТАРЭЯ
Там – “шчаслівыя білеты”...