3 кастрычніка:
Маларыцкі міжнародны марафон
Гісторыя з’яўлення лёгкаатлетычнага прабегу ў Маларыце, невялічкім гарадку недалёка ад Брэста, і станаўлення яго як міжнароднага марафона, пераклікаецца з прабегам, які сёння называецца Нацыянальным фестывалем бегу “Языльская дзесятка”: ён пачынаўся са школы, дакладней, з СПТВ, ад такіх жа нераўнадушных настаўнікаў, якія адносіліся да дзяцей па прынцыпу “Чужых дзяцей не бывае”. У вытокаў фізкультурнага ручая, які сёння ўжо можна называць рэчкаю здароўя, бодрасці, мужнасці і разумнага жыцця ўвогуле, быў настаўнік русского языка навуковай установы Лядзінскі Аляксандар Сяргеявіч, чалавек надта сціплы і далікатны, але смелы і настойлівы.
Маларыцкі марафон прымяркоўваецца да раённых “Дажынак” -- атрымліваецца адзінае свята. Свята сапраўднае! А сёлета і пагода была най-спрыяльнейшаю: сонечна і амаль ціха.
Паўтараю для чытачоў і фізкультурнікаў, якія на тым свяце ўраджаю і бегу не былі: най-спрыяльнейшаю -- сонечна і амаль ціха. Бо якраз гэтая прыродная абставіна паспрыяла цікаваму і прыгожаму – святочнаму! – мерапрыемству, якое надоўга запомніцца жыхарам гарадка і ўсім фізкультурнікам: Брэсцкая арганізацыя сёнешняга “досааф”-а (не ведаю, як яна называецца) арганізавала высадку парашутыстаў-спартсменаў з прызямленнем на футбольным полі стадыёна.
Усе, хто ў той час быў на вуліцы ў любым месцы Маларыты, глядзелі ў неба…
Спачатку глядзелі на кукурузніка-страказу, які павольна, кругамі паднімаўся ўсё вышэй і вышэй, пакуль не ператварыўся ў маленькі самалёцік, такі прывычны для людзей старэйшага пакалення.
А-а-а!.. У вышыні, каля белага воблака, з маленькага самалёціка пачалі выпадаць малюсенькія фігуркі – у небе адразу з’яўляліся малюсенькія парашуцікі, побач з імі – большыя, якія паступова павялічваліся-раскрываліся і прыбліжаліся да стадыёна.
І – а-а-а: вялізны рознакаляровы – карцінна прыгожы! -- парашут з маленькім парашутыстам павольна ляціць над намі, над стадыёнам…
А-а-ах – парашутыст прызямліўся, парашут хвалямі падае і расцілаецца на зялёным полі. Апладысменты!!! Парашутысты вітаюць гледачоў…
За маёй спіною нехта крычыць: “Глядзі, вунь – дзеўка! А-а-а!..”
“Глядзі, глядзі – яшчэ адна баба! Ух, ты, якія сме-е-елыя!..”
Многія хлопцы і мужчыны прыйшлі на стадыён у “святочным” настроі: свята ж! Ды пасля парашутыстаў быў футбол…
А зранку -- урачыстае адкрыццё “Дажынак” і старты фізкультурнікаў.
ПРАТАКОЛ.
Нястомны Мікалай Фёдаравіч правярае гатоўнасць фізкультурнай калоны да маршу
Аркестр -- галава калоны
Фізкултьурнікі і гледачы-балельшчыкі ідуць на плошчу
Юныя барабаншчыцы – наперадзе калоны працаўнікоў сяла
Кіраўнікі раёна, перадавікі вытворчасці і знакамітыя спартсмены
Дзеці – наша будучыня і апора: здаровыя дзеці – шчаслівыя сем’і
Дзеці “на фоне” ветэранаў працы і фізкультуры: ёсць на каго раўняцца
СТАРТЫ
3752
Сёлета, як і ў мінулым годзе, старэйшым марафонцам дазволілі стартаваць на гадзіну раней -- разумна, далікатна і “дэмакратычна” паставіліся да старых, але яшчэ рухавых і энергічных людзей. Ісцінна па-фізкультурнаму!
“Пакажы нас так, каб маладыя раўняліся на марафонцаў…”
Сёння дысідэнты будуць бегчы “пятнаццаць”
Пасля старэйшых марафонцаў – старты для малых і самых старых: малыя яшчэ самыя слабейшыя, а самыя старыя – ужо слабейшыя.
Ад жоўта-блакітнай расцяжкі? Гістарычная справядлівасць!?.
І я хацеў бы бегчы хаця б у Мінску, -- хаця б у Мінску, а не ў Вільні! – ад бела-чырвона-белай расцяжкі ды пад сваім сцягам, а не пад чужым-чуждым-ядавітым… Хацеў – за гэта 12 верасня мяне завалаклі ў “псіхушку”. У маім доме. Хто ж хозяйничает у доме беларуса?..
Мамы хвалююцца за дачок – дапамагаюць ім
Дзецям трэба растлумачыць – каб не пашкодзілі сябе
Міхаіл Жэлабоўскі правярае гатоўнасць суддзяў і фізкультурнікаў асноўнай групы да старта
Асноўная група перад стартам
Галоўныя фізкультурнікі Жлобіна
Барыс Марцем’янаў прывёз дзяцей у Маларыту ажно са Жлобіна. Браво, Настаўнік!..
Жодзінцы Вячаслаў Варанцоў, Арнольд Слуцкер і Александар Клімец
Старт асноўнай групы – на 42.195 і 15 км.
Так беглі 15 кіламетраў…
Пасля ўсіх фінішаў і ўзнагароджанняў – самае-самае незвычайнае і цікавае…
Парашутыстка складвае парашут.
А на стадыёне будзе футбол…
Последние комментарии
6 лет 12 недель назад
6 лет 26 недель назад
6 лет 50 недель назад
8 лет 22 недели назад
9 лет 26 недель назад
10 лет 12 недель назад
10 лет 20 недель назад
10 лет 30 недель назад
10 лет 36 недель назад
10 лет 40 недель назад