27 верасня:
“Залатая восень” на стадыёне МАЗа
Прабег “Залатая восень”, прысвечаны Дню машынабудаўніка, праводзіцца Мінскім аўтазаводам на сваім жа стадыёне. Сёлета -- 23-ці. Хаця напярэдадні большасць фізкультурнікаў удзельнічалі ў Нацыянальным фестывалі бегу “Языльская дзесятка” (акрамя жодзінцаў), усё ж у Мінск прыехалі болей 270 фізкультурнікаў. Важная дэталь: прыехалі бабруйчане і самыя дальнія аматары бегу з усходу краіны – “затрымаліся” у Мінску на зваротным шляху са Старых Дарог. З імі і адна ўкраінка. А з заходніх раёнаў (Маладзечна не ва ўлік, бо ўжо не “захад”, а прыгарад Мінска) толькі двое: іхняя дарога каштуе дорага.
Дзень быў цёплы і прыгожы, па адрамантаванай трасе беглася лёгка, а прызы давалі нават за чацвёртае месца. Узнагароджвалі і лепшыя клубныя каманды і “сямейныя спортклубы” – кавуном або дыняю: пачастунак салодкі, лёгка дзеліцца ў калектыве. А сямейных калектываў было болей дзесяці: не толькі мінчане прыйшлі з дзяцьмі, але і з Салігорска прыехалі сямейныя дуэты і трыо.
Атрымаўся міні-фестываль бегу – не шумны-суелівы, а спакойны сяброўска-сямейны, таму надта прыемны. Безумоўна, гэтая прыемнасць для нас, фізкультурнікаў, далася арганізатарам вялікай карпатлівай працаю, хаджэннем па муках-інстанцыях. За мукі-клопаты і за атрыманае задавальненне ад удзелу ў міні-свяце бегу – шчырае дзякуй кіраўнікам Мінскага аўтазавода і старшыні Клуба аматараў бегу Ольге Іосіфаўне Сірэнка.
Спачатку беглі сваю дыстанцыю самыя меньшыя і самыя старэйшыя: на фінішы на стадыёне іх сустракалі апладысментамі. А самых маленькіх – і мамы з цёплай вопраткаю.
Старт на дыстанцыі 20 і 10 кіламетраў – адначасова і па адной сцежцы, каб ніхто не пераблытаў напрамкі бегу па дыстанцыях, бо ў мінулыя гады блыталіся.
Падрабязней – у фотарэпартажы і каментах да фатаграфій.
Хто цікавіцца бегам глыбей і шырэй, можа прааналізаваць “Залатую восень” па пратаколах на сайце http://marathon.by.
СУСТРЭЧЫ
Ніна Коваль з выхаванцамі
Барыс Марцем’янаў з вучнямі
Жлобін-Мінск-Жодзіна-Чэчэрск і…
… і Салігорск
ПРАТАКОЛ
СТАРТЫ і ДЫСТАНЦЫІ
Першымі пабеглі за рэкордамі і прызамі-узнагародамі самыя малыя і самыя старыя
Віктар Дзмітрыявіч Новікаў
Дзеці адпачываюць і чакаюць узнагарод, а…
…а на старце асноўная група – на дыстанцыі 20 і 10 кіламетраў.
Аляксандар Кізіл сёння быў не над, а НА дыстанцыі. І на фінішы яго сустрэлі апладысментамі: сёння ён бег “двадцатку” разам з намі, а заўтра будзе арганізоўваць і ўзнагароджваць нас…
Суддзі лічаць, мяркуюць…
Пакуль суддзі падлічваюць нашы “галы, ачкі, секунды”, фізкультурнікі слухаюць канцэрт…
А некаторыя і выступаюць са сваімі “нумарамі”
Міхаіл Жэлабоўскі цікавіцца гатоўнасцю суддзяў да ўручэння ўзнагарод
Канцэрт працягваецца…
Прызы чакаюць прызёраў
Ігар Афнагель чагосці не разумее -- Ольга Іосіфаўна спяшаецца ўдакладніць…
Суддзяінфарматар выслухоўвае прэтэнзію фізкультурніка-ветэрана…
Віктар Новік заўсёды з прызам…
Камандны прыз бабруйчан
А ў гэтай каманды прыз яшчэ саладзейшы
“Сямейны клуб бегу” атрымаў узнагароду
Самыя важныя і самыя цікавыя прызы. І самыя салодкія…
Да пабачэння, Ірына!..
Комментарии
Отправить комментарий