Сяргей Коваль круціцца-верціцца – стараецца, каб нам было ЦІКАВА бегаць: 5 ліпеня адбыўся сёмы этап “Гран-пры 2009”. Ён быў адначасова чацвёртым прабегам, прысвечаным памяці Валерыя Жарскага, чэмпіёна Беларусі на 100-кіламетровай дыстанцыі. Менавіта з пазіцыі ЦІКАВАСЦІ я хачу паглядзець на гэты этап прабега.
Па-першае, ён быў цікавы новай трасай: лыжна-роллерная траса спартыўна-фізкультурнага комплекса “Мінск” у раёне “Вяснянка” -- новая для большасці ўдзельнікаў. Для бега траса цяжкая – на узроўні “Капыльскага кальца”, магчыма і цяжэй. Магчыма, бо па рэгламенту я бег 2,5 кіламетры, таму выказацца болей канкрэтна не магу. Але якое задавальненне!
Па-другое, фірма-спонсар “Рефреш-К” выдзеліла 10 мільёнаў рублёў на ўзнагароды. Праўда, пад умову, што грошы будуць раздзелены паміж пераможцамі-прызёрамі ў абсалюце – на трох мужчын і трох жанчын.
На дыстанцыі 10 км стартавалі 135 фізкультурнікаў. Разумеецца, было шмат маладых, прафесійных спартсменаў: 1 мільён – грошы невялікія, але, мабыць, і для іх -- грошы. Мяркую, для іх усё ж важней была тая абставіна, што маглі дома, ці амаль дома, спаборнічаць паміж сабою – параўнаць свае магчымасці ў натуральнай спартыўнай барацьбе, што важна для заўтрашняга дня. Вось паміж імі і падзялілі агульны прыз: 2500-1500-1000 рублёў адпаведна месцу на п’едэстале.
Для старэйшых і слабейшых -- дыстанцыя 2,5 кіламетры, там было значна меньш фізкультурнікаў. Але прызы таксама прыемныя. Ды ўвогуле было прыемна – сустрэцца, бегчы, убачыць і апробаваць новы для многіх спорт-комплекс: усе атрымалі задавальненне, нават і тыя, хто не атрымаў ніякіх прызоў. Ведаю не толькі па сабе: Эдуард Герасіменка, Аляксандар Клімец, Віктар Рабушаў і Мікалай Шуранкоў таксама задаваленыя прабегам.
У фотарэпартажы бачна, каму дасталося крыху болей задавальнення -- і ад прызоў.
Глядзіце і, як кажа Сяргей Коваль, “если хочешь быть здоровым – бегай!”. Бегайце! Лепей – разам з намі ў “Вікторыі”.
Пратакол і іншыя фатаграфіі – на сайце www.klbviktoria.com.
“Размінка” перад стартам
На старце
Старт
На дыстанцыі 10 км
На фінішы
“Пакажы, Ніна, як я прабег...”
“Безумоўна: траса адмысловая!..
Пакуль суддзі судзяць...
Пераможцы, балельшчык і рэпарцёр
П’едэстал – па здольнасцях
Комментарии
Отправить комментарий