Усе прабегі “Вікторыі” 9 мая прысвячаюцца Дню перамогі. Два апошнія, у 2007 і 2008 гадах, праводзіліся ў парку побач с месцам афіцыйнага мерапрыемства. Такі варыянт, безумоўна, мае важны “плюс”: там многа людзей – прапаганда бегу як самай даступнай і таннай фізкультуры ад малога да старога. А ў “Вікторыі” заўсёды шмат не толькі малых і старых, але і маленькіх, і старэнькіх. Ды старэнькія – бодрыя і шустрыя: глядзіце, грамадзяне, і бяжыце разам з імі.
Але ў такім варыянце ёсць і “мінус”: суматоха-мітусьня, на тратуарах натоўп людзей, а мы бяжым насустрач – перашкаджаем ім ісці, яны замінаюць нам бегчы. Другі “мінус” у тым, што ўклоны там болей 8% -- нагрузка для дзяцей вялікаватая. А ў супрацьлеглым месцы таго ж парка, на лыжна-роллернай трасе, дарожка шырокая, свабодная, уклоны не болей 4% – бяжы і радуйся. Там мы беглі летам 2008: спадабалася ўсім. А асабліва спадабалася адсутнасць пешаходаў на дарожках і адчуванне “сваёй” атмасферы, гэтакай “свабоднай аўдыторыі”. Хто адпачываў на скамейках парка – бачыў: і такой прапаганды дастаткова. Сяргей Коваль прапанаваў бегчы там і 9 мая.
Было сонечна, цёпла, вецер слабы, дождж не пагражаў – чаго лепей? Таму прыехала многа фізкультурнікаў – дарослых і школьнікаў. І нават трое дзяцей 4-6 гадоў – з мамамі. Усяго – 137!
Паставіў клічнік таму, што гэта – мінчане: “чужых” прыезджых было мала, дванаццаць фізкультурнікаў.
Прыемна адзначыць, што трэнер СДЮШ Камвольнага камбіната Мікалай Канашэнкаў прывёз з сабою 20 дзяцей з сваёй секцыі. Разумеецца, і сам бег.
“Дети – это наши дети: им неоходима помощь и наставление не только от родителей, но и от общества. Они ходят ко мне в секцию – я их тренирую. И стараюсь помочь им не сойти с этого пути на путь к сигарете и бутылке: там – беда. Разумеется, я не курю и не “употребляю”. Для наставника прежде всего – пример: делай, как я. Потому и сюда привёз – чтобы видели людей, которым интересно жить без сигарет, интересно общаться и соревноваться”, -- сказаў ён мне.
Асаблівасць прабегаў “Вікторыі” у тым, што ў іх удзельнічаюць людзі з абмежаванымі фізічнымі магчымасцямі. Важная дэталь! У гэтай сувязі “гаварыць кампліменты” Сяргею Ковалю і трэнерам ФОЦа было б банальнасцю – трэба выказваць падзяку...
Адначасова з “Вікторыяй” праводзіўся “дзень фізкультурніка” сярод жыхароў інтэрнатаў Кастрычніцкага раёна Мінска.
Дадатковая інфармацыя – на сайце www.klbviktoria.com.
Інтэрв’ю са старэйшымі марафонцамі
Фізкульт-бівуак
Апошнія тлумачэнні Сяргея Коваля
Забег школьнікаў
Прыгажэйшая палова удзельнікаў
Першы!..
Цяжка... Але ж дабег!!!
Самая юная. І – самастойная!..
“Калі? што? дзе?”
Асноўны забег
Наступны прабег адбудзецца...
Узнагароджанне
“Што гэта такое?”
“Сфоць нас!..”
“...і мяне...”
“І мяне -- вось так!..”
Комментарии
Отправить комментарий