Андрэй Караленка
Жодзіна: ПРАБЕГ памяці Анатолія КАВАЛЁВА
10 лістапада ў Жодзіне адбыўся сёмы – ужо сёмы! -- прабег памяці нашага марафонца майстра спорту Анатолія КАВАЛЁВА, пайшоўшага назаўжды надта заўчасна.
Прабег арганізаваны аддзелам па спорту, фізкультуры і турызму Жодзінскага гарвыканкама.
На жваль, не ўсе вядомыя жодзінскія бягуны, ды і тыя, якіх часта сустракаю на "бегавых дарожках" за горадам, прынялі ўдзел у прабегу: адны не ведалі, што такі прабег праводзіцца, другія не прыйшлі таму, што "бягуць для сябе" ("А зачем мне выставляться?"), а хто проста не мог: "всё дела да дела". Агарчыла і тое, што адсутнічаў старэйшы марафонец горада Леанід Каладко і... не было жанчын.
Але было даволі шмат дзяцей! Праўда, у гэтай прыемнай абставіне быў нюанс з «мінусам»: усе дзеці – з адной школы, № 4.
Час ідзе – будуць змены. Магчыма, і гэты «мінус» знікне.
Рэгістрацыя дзяцей. А дарослыя ўжо размінаюцца...
Настаўнікі-трэнеры.
Прадстаўнік спонсара Анатолій Ярафеенка уручыў кожнаму бегуну пальчаткі. Калі хто забыў узяць свае, падарунак быў як "ложка к обеду": на траве іней.
Крыху спазніўся, спяшаецца...
Амаль усе...
З прывітальны словам да бягуноў ад імя Аддзела па спрту звярнулася Людміла Аляксандраўна МАКРЫЦКАЯ.
На заднім плане – мама дзяўчынкі «59».
Мяркую, было б лепей, калі б мама надзела спартыўны касцюм і пасля фініша дачкі бегла з рэгістрацыйным нумарам.
Да фініша 6 (шэсць) метраў: хлопчык "71" прыбяжыць першым...
Мне падабаецца фота Барыса Кісялёва...
Пасля фініша...
"Видишь, ещё есть порох: пробежали – и хоть бы что..."
На сваіх фатаграфіях не заўважыў Георгія Афанасьявіча, настаўніка фізкультуры школы № 4, хаця ён быў. Мабыць таму я "прамахнуўся", што яго ўжо адцяняе малады настаўнік. (Ён на групавым фота са школьнікамі.)
Георгій Афанасьявіч працуе ў школе болей 40 гадоў.
Я ўдзельнічаў у прабегу, хаця сам не бег. Але і на месцы не стаяў -- крыху пабегаў з фотакамярай. Ёсць два-тры ўдалыя здымкі, мне падабаецца фота Барыса Кісялёва. Астатнія – штатныя.
Мяркую, мне ўдалося паказаць тое, што хацеў – арганізатараў прабегу , саміх бегуноў -- ад малога да старога! – і атмасферу спаборніцтва.
Калі дзецям спадабалася, прыйдуць і ў наступны раз. І яшчэ раз...
Комментарии
Жодзіна: ПРАБЕГ памяці Анатолія КАВАЛЁВА
фота вельмi добрыя!мне спадабалiся!дзякуй Вам за тое,што даеце магчымасць пабачыць тыя спаборнiцтвы,куды не давялося паехаць...вельмi цiкава на гэта паглядзець!!
Отправить комментарий